ਸਹੀ ਜਾਣਕਾਰੀ ਦੀ ਗੈਰ-ਹਾਜ਼ਰੀ, ਕ੍ਰਿਸ਼ੀ ਮੰਡੀਕਰਨ ਸੁਵਿਧਾਵਾਂ ਅਤੇ ਉਚਿੱਤ ਸਲਾਹ ਦੀ ਕਮੀ ਕਾਰਨ ਅੱਜ ਦੇ ਕਿਸਾਨ ਨੂੰ ਆਪਣੀ ਖੇਤੀ ਉਪਜ ਦੇ ਨਿਪਟਾਰੇ ਲਈ ਸਥਾਨਕ ਵਪਾਰੀਆਂ ਅਤੇ ਦਲਾਲਾਂ ‘ਤੇ ਨਿਰਭਰ ਹੋਣਾ ਪੈਂਦਾ ਹੈ, ਜੋ ਕਿ ਇਸਨੂੰ ਨਾ-ਮਾਤਰ ਕੀਮਤ ‘ਤੇ ਵੇਚਦੇ ਹਨ। ਭਾਰਤੀ ਕਿਸਾਨ ਦੇ ਇਸ ਅਸਹਿਣਯੋਗ ਦੁੱਖ ਨੂੰ ਖਤਮ ਕਰਨ ਲਈ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵਿੱਚ ਕਾਰੋਬਾਰ ਪ੍ਰਬੰਧਨ ਦੇ ਪ੍ਰੋਫੈੱਸਰ ਡਾ. ਰਮਨਦੀਪ ਨੇ ਆਪਣੀ ਟੀਮ ਦੇ ਨਾਲ ਕਿਸਾਨਾਂ ਦੀ ਨਵੇਂ ਖੇਤੀ ਅਧਾਰਿਤ ਅਤੇ ਗ੍ਰਾਹਕਾਂ ਵਿੱਚ ਵਧੇਰੇ ਮੰਗ ਵਾਲੇ ਉਤਪਾਦਾਂ ਦੇ ਵਿਕਾਸ ਅਤੇ ਆਮਦਨੀ ਵਧਾਉਣ ਦੇ ਨਾਲ-ਨਾਲ ਗਲੋਬਲ ਮਾਰਕੀਟ ਪ੍ਰਵੇਸ਼ ਕਰਨ ਲਈ ਮਦਦ ਕਰਨ ਦਾ ਫੈਸਲਾ ਕੀਤਾ। ਡਾ. ਰਮਨਦੀਪ ਜੀ ਦਾ ਇਹ ਮੰਨਣਾ ਹੈ ਕਿ ਅੱਜ ਦੇ ਕਿਸਾਨ ‘ਉਤਪਾਦ ਵਿਕਾਸ ਅਤੇ ਮੰਡੀਕਰਨ’ ਦੇ ਮਾਰਗ ‘ਤੇ ਚੱਲ ਕੇ ਹੀ ਨਿਸ਼ਚਿਤ ਮੰਡੀ, ਵਧੇਰੇ ਫਾਇਦੇ, ਘੱਟ ਜ਼ੋਖਮ ਵਾਲੇ ਕਾਰਕ ਅਤੇ ਸਮਾਨੰਤਰ ਆਮਦਨ ਦੇ ਸ੍ਰੋਤ ਦੀ ਪ੍ਰਾਪਤੀ ਕਰ ਸਕਦੇ ਹਨ।

ਸੋਸ਼ਲ ਮੀਡੀਆ ਦੀ ਤਾਕਤ ਦਾ ਅਹਿਸਾਸ ਹੋਣ ਤੋਂ ਬਾਅਦ ਡਾ. ਰਮਨਦੀਪ ਜੀ ਨੇ 12000 ਤੋਂ ਵੱਧ ਕਿਸਾਨਾਂ ਨੂੰ ਇੱਕ ਸਾਂਝੇ ਪਲੇਟਫਾਰਮ ‘ਤੇ ਆਪਸ ਵਿੱਚ ਜੋੜਿਆ, ਜਿੱਥੇ ਉਹ ਸਾਰੇ ਇੱਕ ਦੂਜੇ ਨਾਲ ਆਵਿਸ਼ਕਾਰੀ ਖੇਤੀ ਤਕਨੀਕਾਂ, ਉਤਪਾਦਾਂ ਦੇ ਮੁੱਲ, ਬ੍ਰਾਂਡਿੰਗ ਅਤੇ ਪੈਕਿੰਗ, ਗ੍ਰਾਹਕਾਂ ਦੀ ਲੋੜ ਅਤੇ ਰੁਚੀ ਦੇ ਅਧਿਐਨ ਅਤੇ ਉਤਪਾਦਾਂ ਦੇ ਆੱਨਲਈਨ ਅਤੇ ਆੱਫਲਾਈਨ ਮੰਡੀਕਰਨ ਦੇ ਤਰੀਕਿਆਂ ਬਾਰੇ ਜਾਣਕਾਰੀ ਸਾਂਝੀ ਕਰਦੇ ਹਨ, ਤਾਂ ਜੋ ਉਨ੍ਹਾਂ ਨੂੰ ਸੋਚ ਅਨੁਸਾਰ ਅਸਲ ਵਿੱਚ ਮੁਨਾਫਾ ਮਿਲ ਸਕੇ। ਮੀਡੀਆ ਦੇ ਤੌਰ ‘ਤੇ ਡਾ. ਰਮਨਦੀਪ ਜੀ ਸਿੱਖਿਆ ਦੇ ਪਸਾਰ ਲਈ ਵੱਟਸਐਪ, ਫੇਸਬੁੱਕ ਅਤੇ ਯੂ-ਟਿਊਬ ਦੀ ਵਰਤੋਂ ਲਈ ਸਲਾਹ ਦਿੰਦੇ ਹਨ ਅਤੇ ਪੂਰੀ ਦੁਨੀਆ ਦੇ ਕਿਸਾਨਾਂ ਨੂੰ ਇਨ੍ਹਾਂ ਗਰੁੱਪਾਂ ਵਿੱਚ ਸ਼ਾਮਲ ਹੋਣ ਲਈ ਉਤਸ਼ਾਹਿਤ ਕਰਦੇ ਹਨ। ਉਨ੍ਹਾਂ ਦੇ ਸੋਸ਼ਲ ਮੀਡੀਆ ਗਰੁੱਪ ਆਧੁਨਿਕ ਅਤੇ ਉਪਯੋਗੀ ਜਾਣਕਾਰੀ ਫੈਲਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ਉਹ ਬੜੀ ਤੇਜ਼ੀ ਨਾਲ ਭਾਰੀ ਗਿਣਤੀ ਵਿੱਚ ਸਰੋਤਿਆਂ ਤੱਕ ਪਹੁੰਚ ਕਰ ਰਹੇ ਹਨ, ਕਿਉਂਕਿ ਉਹ ਨਾ ਕੇਵਲ ਜਾਣਕਾਰੀ ਫੈਲਾਉਣ ਲਈ, ਸਗੋਂ ਖੇਤੀਬਾੜੀ ਵਿੱਚ ਨਵੇਂ ਵਿਚਾਰਾਂ ਅਤੇ ਕੰਮਾਂ ਵਿੱਚ ਕਿਸਾਨਾਂ ਦੇ ਹਿਤ ਨੂੰ ਉਤੇਜਿਤ ਕਰਨ ਲਈ ਇੱਕ ਸੱਚੇ ਸਾਧਨ ਦੇ ਰੂਪ ਵਿੱਚ ਕੰਮ ਕਰਦੇ ਹਨ।

ਡਾ. ਰਮਨਦੀਪ ਅਤੇ ਉਨ੍ਹਾਂ ਦੀ ਟੀਮ ਨੇ ਇਸ ਰਿਕਾਰਡ ਤੋੜ ਪਹਿਲ ਦੇ ਸਿੱਟੇ ਵਜੋਂ ਭਾਰੀ ਸੰਖਿਆ ਵਿੱਚ ਕਿਸਾਨਾਂ ਨੇ ਉਤਪਾਦ ਬਣਾਉਣ ਬਾਰੇ ਜਾਣਕਾਰੀ ਹਾਸਿਲ ਕੀਤੀ ਅਤੇ ਲਾਗੂ ਕਰਨੀ ਵੀ ਸ਼ੁਰੂ ਕੀਤੀ। ਇਸ ਸਭ ਨਾਲ ਉਨ੍ਹਾਂ ਨੂੰ ਖੁਦ ਤਿਆਰ ਕੀਤੇ ਉਤਪਾਦਾਂ ਦੀ ਮਹੱਤਤਾ ਅਤੇ ਤਾਕਤ ਬਾਰੇ ਅਹਿਸਾਸ ਤਾਂ ਹੋਇਆ ਹੀ, ਨਾਲ ਹੀ ਉਨ੍ਹਾਂ ਨੂੰ ਆਤਮ-ਨਿਰਭਰ ਹੋਣ ਵਿੱਚ ਵੀ ਮਦਦ ਮਿਲੀ। ਡਾ. ਰਮਨਦੀਪ ਜੀ ਦੀ ਕਹਾਣੀ ਖਤਮ ਨਾ ਹੋਣ ਵਾਲੀ ਹੈ, ਉਨ੍ਹਾਂ ਨੇ ਕਿਸਾਨਾਂ ਨੂੰ ਪ੍ਰੇਰਿਤ ਕਰਕੇ ਜਿਨ੍ਹਾਂ ਦੇ ਖੁਦ ਦੇ ਡੇਅਰੀ ਫਾਰਮ ਸੀ, ਉਨ੍ਹਾਂ ਨੂੰ ਪਨੀਰ, ਆਈਸ-ਕਰੀਮ ਅਤੇ ਹੋਰ ਬਹੁਤ ਸਾਰੇ ਦੁੱਧ ਉਤਪਾਦ ਤਿਆਰ ਕਰਨ ਅਤੇ ਮਧੂ-ਮੱਖੀ ਪਾਲਕਾਂ ਦੇ ਸ਼ਹਿਦ ਨੂੰ ਖੁਦ ਆਪਣੇ ਬਰਾਂਡ ਨਾਲ ਵੇਚਣ ਵਿੱਚ ਮਦਦ ਕੀਤੀ। ਉਨ੍ਹਾਂ ਦਾ ਵਿਸ਼ਵਾਸ ਸੀ ਕਿ ਜੇਕਰ ਨੌਜਵਾਨਾਂ ਦੀ ਸਹੀ ਤਰੀਕੇ ਨਾਲ ਅਗਵਾਈ ਕੀਤੀ ਜਾਵੇ, ਤਾਂ ਉਹ ਖੇਤੀਬਾੜੀ ਦੇ ਖੇਤਰ ਵਿੱਚ ਭਾਰੀ ਯੋਗਦਾਨ ਦੇ ਸਕਦੇ ਹਨ। ਇਸ ਲਈ ਡਾ. ਰਮਨਦੀਪ ਜੀ ਵਿਦਿਆਰਥੀਆਂ ਅਤੇ ਨੌਜਵਾਨਾਂ ਨਾਲ ਗੱਲਬਾਤ ਕਰਨ ਲਈ ਗੈੱਸਟ ਲੈਕਚਰਾਂ, ਸੈਮੀਨਾਰਾਂ ਅਤੇ ਕੌਨਫਰੈੱਸਾਂ ਦੌਰਾਨ ਇੱਕ ਨਿਯਮਿਤ ਪਲੇਟਫਾਰਮ ਅਤੇ ਅਨਿਯਮਿਤ ਤੌਰ ‘ਤੇ ਵੀ ਅਗਵਾਈ ਕਰਨ ਅਤੇ ਸਲਾਹ ਦੇਣ ਲਈ ਉਪਲੱਬਧ ਰਹਿੰਦੇ ਹਨ।

ਤੁਸੀਂ ਵੀ ਪੰਜਾਬ ਐਗਰੀ ਬ੍ਰਾਂਡ, ਪੰਜਾਬ ਹਨੀ, ਪੰਜਾਬ ਪੋਲੀਹਾਊਸ, ਪੰਜਾਬ ਇਨੋਵੇਟਿਵ, ਪੰਜਾਬ ਹੋਰਟੀਕਲਚਰ, ਪੰਜਾਬ ਯੰਗ ਫਾਰਮਰਜ਼, ਯੰਗ ਇਨੋਵੇਟਿਵ ਫਾਰਮਰਜ਼, ਪੰਜਾਬ ਗਲੋਬਲ, ਪੰਜਾਬ ਫਾਰਮ ਟੂਰਿਜ਼ਮ, ਪੰਜਾਬ ਟੋਮੈਟੋ, ਪੰਜਾਬ ਆੱਨ ਫਾਰਮ ਮਾਰਕਿਟਸ, ਪੰਜਾਬ ਮਸ਼ਰੂਮਜ਼, ਪੰਜਾਬ ਵਾਈ ਐੱਫ ਸੀ ਸਠਿਆਲਾ, ਪ੍ਰੋਗਰੈੱਸਿਵ ਫਾਰਮਰ ਪੰਜਾਬ, ਐੱਨ ਐੱਫ ਏ ਸ਼੍ਰੀ ਮੁਕਤਸਰ ਸਾਹਿਬ, ਪੀ ਬੀ, ਹੋਰਟੀਕਲਚਰ ਫਾਰਮਰਜ਼ ਐੱਨ ਐੱਫ ਏ, ਪਟੈਟੋ ਗਰੋਅਰਜ਼, ਪੰਜਾਬ ਪੀ ਐੱਚ ਸੀ ਪੀ ਏ ਯੂ ਆਦਿ ਵੱਟਸਐਪ ਗਰੁੱਪਾਂ ਵਿੱਚ ਸ਼ਾਮਲ ਹੋ ਕੇ ਇਸ ਤੇਜ਼ ਬਦਲਾਅ ਲਈ ਡਾ. ਰਮਨਦੀਪ ਸਿੰਘ ਜੀ ਦੇ ਜੋਸ਼ ਦਾ ਹਿੱਸਾ ਬਣ ਸਕਦੇ ਹੋ। ਡਾ. ਰਮਨਦੀਪ ਜੀ ਫੇਸਬੁੱਕ ਗਰੁੱਪ ਵੀ ਚਲਾ ਰਹੇ ਹਨ ਜਿਵੇਂ ਕਿ: ਫਾਊਂਡੇਸ਼ਨ ਫਾੱਰ ਐਗਰੀ ਬਿਜ਼ਨਸ ਅਵੇਅਰਨੈੱਸ ਐਂਡ ਏਜੂਕੇਸ਼ਨ, ਪੰਜਾਬੀ ਯੰਗ ਇਨੋਵੇਟਿਵ ਫਾਰਮਰਜ਼ ਐਂਡ ਐਗਰੀ-ਪ੍ਰਿਨਿਓਰਸ, ਪ੍ਰੋਗਰੈੱਸਿਵ ਬੀ ਕੀਪਰਸ ਐਸੋਸੀਏਸ਼ਨ।

ਬਹੁਤ ਸਾਰੇ ਭਾਰਤੀ ਟੈਲੀਵਿਜ਼ਨ ਅਤੇ ਰੇਡੀਓ ਚੈਨਲਾਂ ਨੇ ਡਾ. ਰਮਨਦੀਪ ਸਿੰਘ ਨੂੰ ਆਪਣੇ ਸ਼ੋਅ ਵਿੱਚ ਖੇਤੀ ਸੰਬੰਧੀ ਰਿਸਰਚ, ਮੰਡੀਕਰਨ ਅਤੇ ਕਾਰੋਬਾਰ ਪ੍ਰਬੰਧਨ ਅਤੇ ਖੇਤੀਬਾੜੀ ਭਾਈਚਾਰੇ ਵਿੱਚ ਬਦਲਾਅ ਦੇ ਬਾਰੇ ਵਿੱਚ ਜਾਣਕਾਰੀ ਪ੍ਰਾਪਤ ਕਰਨ ਲਈ ਬੁਲਾਇਆ। ਅੱਜ ਪੰਜਾਬ ਵਿੱਚ ਲਗਭਗ ਹਰ ਘਰ ਡਾ. ਰਮਨਦੀਪ ਲਈ ਐਗਰੀ ਵਪਾਰ ਦੀ ਧਾਰਣਾ ਦੇ ਪ੍ਰਤੀ ਉਨ੍ਹਾਂ ਦਾ ਜ਼ਿਕਰਯੋਗ ਯੋਗਦਾਨ ਹੈ।