ਆਮ ਜਾਣਕਾਰੀ
ਬਹੇੜਾ ਨੂੰ ਸੰਸਕ੍ਰਿਤ ਵਿੱਚ ਕਰਸ਼ਫਲ, ਕਲੀਦਰੁਮਾ ਅਤੇ ਵਿਭੀਤਾਕੀ ਦੇ ਨਾਮ ਤੋਂ ਜਾਣਿਆ ਜਾਂਦਾ ਹੈ। ਇਸਦਾ ਫਲ ਮੁੱਖ ਤੌਰ ਤੇ ਦਵਾਈਆਂ ਬਣਾਉਣ ਲਈ ਵਰਤਿਆ ਜਾਂਦਾ ਹੈ। ਬਹੇੜਾ ਤੋਂ ਤਿਆਰ ਦਵਾਈਆਂ ਦਾ ਇਸਤੇਮਾਲ ਚਮੜੀ ਦੇ ਰੋਗ, ਸੁੱਜੇ ਹਿੱਸਿਆਂ, ਵਾਲਾਂ ਦਾ ਸਫੇਦ ਹੋਣਾ, ਕੋਲੇਸਟ੍ਰੋਲ ਅਤੇ ਖੂਨ ਦੇ ਦੌਰੇ ਨੂੰ ਘਟਾਉਣ ਆਦਿ ਲਈ ਕੀਤਾ ਜਾਂਦਾ ਹੈ। ਇਹ ਪੱਤਝੜ ਵਾਲਾ ਰੁੱਖ ਹੈ ਅਤੇ ਜਿਸਦੀ ਔਸਤਨ ਉਚਾਈ 30 ਮੀਟਰ ਹੁੰਦੀ ਹੈ। ਇਸਦਾ ਸੱਕ ਭੂਰੇ-ਸਲੇਟੀ ਰੰਗ ਦਾ ਹੁੰਦਾ ਹੈ। ਇਸਦੇ ਪੱਤੇ ਅੰਡਾਕਾਰ ਅਤੇ 10-12 ਸੈ.ਮੀ. ਲੰਬੇ ਹੁੰਦੇ ਹਨ। ਇਸਦੇ ਫਲ ਅੰਡਾਕਾਰ ਅਤੇ ਬੀਜ ਸੁਆਦ ਵਿੱਚ ਮਿੱਠੇ ਹੁੰਦੇ ਹਨ। ਭਾਰਤ ਵਿੱਚ ਮੱਧ ਪ੍ਰਦੇਸ਼, ਉੱਤਰ ਪ੍ਰਦੇਸ਼, ਮਹਾਂਰਾਸ਼ਟਰ ਅਤੇ ਪੰਜਾਬ ਮੁੱਖ ਬਹੇੜਾ ਉਗਾਉਣ ਵਾਲੇ ਖੇਤਰ ਹਨ।
